ఎందు జూచిన దనకు
ఎందు జూచిన దనకు నిన్నియును నిట్లనే
కందులేనిసుఖము కలనైన లేదు ||
సిరులుగలిగినఫలము చింత బొరలనె కాని
సొరిది సంతోష మించుకైన లేదు
తరుణిగలఫలము వేదనల బొరలుటె కాని
నెరసులేనిసుఖము నిమిషంబు లేదు ||
తనువుగలఫలము పాతకముసేయనె కాని
అనువైనపుణ్యంబు అది యింత లేదు
మనసుగలఫలము దుర్మతిబొందనే కాని
ఘనమనోజ్ఞానసంగతి గొంత లేదు ||
చదువుగలిగినఫలము సంశయంబే కాని
సదమలజ్ఞాననిశ్చయ మింత లేదు
యిది యెరిగి తిరువేంకటేశ్వరుని గొలిచినను
బ్రదుకు గలుగును భవము ప్రాణులకు లేదు ||
eMdu jUcina danaku ninniyunu niTlanE
kaMdulEnisuKamu kalanaina lEdu ||
sirulugaliginaPalamu ciMta boralane kAni
soridi saMtOSha miMcukaina lEdu
taruNigalaPalamu vEdanala boraluTe kAni
nerasulEnisuKamu nimiShaMbu lEdu ||
tanuvugalaPalamu pAtakamusEyane kAni
anuvainapuNyaMbu adi yiMta lEdu
manasugalaPalamu durmatiboMdanE kAni
GanamanOj~jAnasaMgati goMta lEdu ||
caduvugaliginaPalamu saMSayaMbE kAni
sadamalaj~jAnaniScaya miMta lEdu
yidi yerigi tiruvEMkaTESvaruni golicinanu
braduku galugunu Bavamu prANulaku lEdu ||
బయటి లింకులు
మార్చు
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |