ఎంతసేయగలేదు యిటువంటివిధి
ఎంతసేయగలేదు యిటువంటివిధి యభవు
నంతవానిని భిక్షమడుగుకొన జేసె ||
కోరిచంద్రుని బట్టి గురుతల్పగుని జేసె
కూరిమలరగ నింద్రు గోడి జేసె
ఘోరకుడువగ ద్రిశంకుని నంత్యజుని జేసె
వీరుడగునలు బట్టి విరూపుజేసె ||
అతివనొడ్డుగ జూదమాడ ధర్మజు జేసె
సతినమ్ముకొన హరిశ్చంద్రు జేసె
కుతిలపడ శూద్రకుని గొఱ్ఱెముచ్చుగ జేసె
మతిమాలి కురురాజు మడుగచొరజేసె ||
పడనిపాట్ల బరచి బ్రహ్మతల వోజేసె
తొడరి కాలునుకాలు దునియజేసె
అడర నీవిధికి విధియగు వేంకటేశుకృప
పడయకుండగ భంగపడకపోరాదు ||
eMtasEyagalEdu yiTuvaMTividhi yaBavu
naMtavAnini BikShamaDugukona jEse
kOricaMdruni baTTi gurutalpaguni jEse
kUrimalaraga niMdru gODi jEse
GOrakuDuvaga driSaMkuni naMtyajuni jEse
vIruDagunalu baTTi virUpujEse
ativanoDDuga jUdamADa dharmaju jEse
satinammukona hariScaMdru jEse
kutilapaDa SUdrakuni gorxrxemuccuga jEse
matimAli kururAju maDugacorajEse
paDanipATla baraci brahmatala vOjEse
toDari kAlunukAlu duniyajEse
aDara nIvidhiki vidhiyagu vEMkaTESukRupa
paDayakuMDaga BaMgapaDakapOrAdu
బయటి లింకులు
మార్చు
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |