ఏష దేవో అమర్త్యః పర్ణవీర్ ఇవ దీయతి |
అభి ద్రోణాన్య్ ఆసదమ్ || 9-003-01
ఏష దేవో విపా కృతో ऽతి హ్వరాంసి ధావతి |
పవమానో అదాభ్యః || 9-003-02
ఏష దేవో విపన్యుభిః పవమాన ఋతాయుభిః |
హరిర్ వాజాయ మృజ్యతే || 9-003-03
ఏష విశ్వాని వార్యా శూరో యన్న్ ఇవ సత్వభిః |
పవమానః సిషాసతి || 9-003-04
ఏష దేవో రథర్యతి పవమానో దశస్యతి |
ఆవిష్ కృణోతి వగ్వనుమ్ || 9-003-05
ఏష విప్రైర్ అభిష్టుతో ऽపో దేవో వి గాహతే |
దధద్ రత్నాని దాశుషే || 9-003-06
ఏష దివం వి ధావతి తిరో రజాంసి ధారయా |
పవమానః కనిక్రదత్ || 9-003-07
ఏష దివం వ్య్ ఆసరత్ తిరో రజాంస్య్ అస్పృతః |
పవమానః స్వధ్వరః || 9-003-08
ఏష ప్రత్నేన జన్మనా దేవో దేవేభ్యః సుతః |
హరిః పవిత్రే అర్షతి || 9-003-09
ఏష ఉ స్య పురువ్రతో జజ్ఞానో జనయన్న్ ఇషః |
ధారయా పవతే సుతః || 9-003-10
