ఋగ్వేదము - మండలము 9 - సూక్తము 114
| ←ముందరి అధ్యాయము | ఋగ్వేదము (ఋగ్వేదము - మండలము 9 - సూక్తము 114) | తరువాతి అధ్యాయము→ |
| దేవత : , చంధస్సు : |
| ఋగ్వేదము | |||||||||||||
|---|---|---|---|---|---|---|---|---|---|---|---|---|---|
| |||||||||||||
య ఇన్దోః పవమానస్యాను ధామాన్య్ అక్రమీత్ |
తమ్ ఆహుః సుప్రజా ఇతి యస్ తే సోమావిధన్ మన ఇన్ద్రాయేన్దో పరి స్రవ || 9-114-01
ఋషే మన్త్రకృతాం స్తోమైః కశ్యపోద్వర్ధయన్ గిరః |
సోమం నమస్య రాజానం యో జజ్ఞే వీరుధామ్ పతిర్ ఇన్ద్రాయేన్దో పరి స్రవ || 9-114-02
సప్త దిశో నానాసూర్యాః సప్త హోతార ఋత్విజః |
దేవా ఆదిత్యా యే సప్త తేభిః సోమాభి రక్ష న ఇన్ద్రాయేన్దో పరి స్రవ || 9-114-03
యత్ తే రాజఞ్ ఛృతం హవిస్ తేన సోమాభి రక్ష నః |
అరాతీవా మా నస్ తారీన్ మో చ నః కిం చనామమద్ ఇన్ద్రాయేన్దో పరి స్రవ || 9-114-04