దేవానామ్ ఇద్ అవో మహత్ తద్ ఆ వృణీమహే వయమ్ |
వృష్ణామ్ అస్మభ్యమ్ ఊతయే || 8-083-01
తే నః సన్తు యుజః సదా వరుణో మిత్రో అర్యమా |
వృధాసశ్ చ ప్రచేతసః || 8-083-02
అతి నో విష్పితా పురు నౌభిర్ అపో న పర్షథ |
యూయమ్ ఋతస్య రథ్యః || 8-083-03
వామం నో అస్త్వ్ అర్యమన్ వామం వరుణ శంస్యమ్ |
వామం హ్య్ ఆవృణీమహే || 8-083-04
వామస్య హి ప్రచేతస ఈశానాశో రిశాదసః |
నేమ్ ఆదిత్యా అఘస్య యత్ || 8-083-05
వయమ్ ఇద్ వః సుదానవః క్షియన్తో యాన్తో అధ్వన్న్ ఆ |
దేవా వృధాయ హూమహే || 8-083-06
అధి న ఇన్ద్రైషాం విష్ణో సజాత్యానామ్ |
ఇతా మరుతో అశ్వినా || 8-083-07
ప్ర భ్రాతృత్వం సుదానవో ऽధ ద్వితా సమాన్యా |
మాతుర్ గర్భే భరామహే || 8-083-08
యూయం హి ష్ఠా సుదానవ ఇన్ద్రజ్యేష్ఠా అభిద్యవః |
అధా చిద్ వ ఉత బ్రువే || 8-083-09
