హవిష్ కృణుధ్వమ్ ఆ గమద్ అధ్వర్యుర్ వనతే పునః |
విద్వాఅస్య ప్రశాసనమ్ || 8-072-01
ని తిగ్మమ్ అభ్య్ అంశుం సీదద్ ధోతా మనావ్ అధి |
జుషాణో అస్య సఖ్యమ్ || 8-072-02
అన్తర్ ఇచ్ఛన్తి తం జనే రుద్రమ్ పరో మనీషయా |
గృభ్ణన్తి జిహ్వయా ససమ్ || 8-072-03
జామ్య్ అతీతపే ధనుర్ వయోధా అరుహద్ వనమ్ |
దృషదం జిహ్వయావధీత్ || 8-072-04
చరన్ వత్సో రుశన్న్ ఇహ నిదాతారం న విన్దతే |
వేతి స్తోతవ అమ్బ్యమ్ || 8-072-05
ఉతో న్వ్ అస్య యన్ మహద్ అశ్వావద్ యోజనమ్ బృహద్ |
దామా రథస్య దదృశే || 8-072-06
దుహన్తి సప్తైకామ్ ఉప ద్వా పఞ్చ సృజతః |
తీర్థే సిన్ధోర్ అధి స్వరే || 8-072-07
ఆ దశభిర్ వివస్వత ఇన్ద్రః కోశమ్ అచుచ్యవీత్ |
ఖేదయా త్రివృతా దివః || 8-072-08
పరి త్రిధాతుర్ అధ్వరం జూర్ణిర్ ఏతి నవీయసీ |
మధ్వా హోతారో అఞ్జతే || 8-072-09
సిఞ్చన్తి నమసావతమ్ ఉచ్చాచక్రమ్ పరిజ్మానమ్ |
నీచీనబారమ్ అక్షితమ్ || 8-072-10
అభ్యారమ్ ఇద్ అద్రయో నిషిక్తమ్ పుష్కరే మధు |
అవతస్య విసర్జనే || 8-072-11
గావ ఉపావతావతమ్ మహీ యజ్ఞస్య రప్సుదా |
ఉభా కర్ణా హిరణ్యయా || 8-072-12
ఆ సుతే సిఞ్చత శ్రియం రోదస్యోర్ అభిశ్రియమ్ |
రసా దధీత వృషభమ్ || 8-072-13
తే జానత స్వమ్ ఓక్యం సం వత్సాసో న మాతృభిః |
మిథో నసన్త జామిభిః || 8-072-14
ఉప స్రక్వేషు బప్సతః కృణ్వతే ధరుణం దివి |
ఇన్ద్రే అగ్నా నమః స్వః || 8-072-15
అధుక్షత్ పిప్యుషీమ్ ఇషమ్ ఊర్జం సప్తపదీమ్ అరిః |
సూర్యస్య సప్త రశ్మిభిః || 8-072-16
సోమస్య మిత్రావరుణోదితా సూర ఆ దదే |
తద్ ఆతురస్య భేషజమ్ || 8-072-17
ఉతో న్వ్ అస్య యత్ పదం హర్యతస్య నిధాన్యమ్ |
పరి ద్యాం జిహ్వయాతనత్ || 8-072-18
