ప్రత్య్ ఉ అదర్శ్య్ ఆయత్య్ ఉచ్ఛన్తీ దుహితా దివః |
అపో మహి వ్యయతి చక్షసే తమో జ్యోతిష్ కృణోతి సూనరీ || 7-081-01
ఉద్ ఉస్రియాః సృజతే సూర్యః సచాఉద్యన్ నక్షత్రమ్ అర్చివత్ |
తవేద్ ఉషో వ్యుషి సూర్యస్య చ సమ్ భక్తేన గమేమహి || 7-081-02
ప్రతి త్వా దుహితర్ దివ ఉషో జీరా అభుత్స్మహి |
యా వహసి పురు స్పార్హం వనన్వతి రత్నం న దాశుషే మయః || 7-081-03
ఉచ్ఛన్తీ యా కృణోషి మంహనా మహి ప్రఖ్యై దేవి స్వర్ దృశే |
తస్యాస్ తే రత్నభాజ ఈమహే వయం స్యామ మాతుర్ న సూనవః || 7-081-04
తచ్ చిత్రం రాధ ఆ భరోషో యద్ దీర్ఘశ్రుత్తమమ్ |
యత్ తే దివో దుహితర్ మర్తభోజనం తద్ రాస్వ భునజామహై || 7-081-05
శ్రవః సూరిభ్యో అమృతం వసుత్వనం వాజాఅస్మభ్యం గోమతః |
చోదయిత్రీ మఘోనః సూనృతావత్య్ ఉషా ఉచ్ఛద్ అప స్రిధః || 7-081-06
