శుక్రం తే అన్యద్ యజతం తే అన్యద్ విషురూపే అహనీ ద్యౌర్ ఇవాసి |
విశ్వా హి మాయా అవసి స్వధావో భద్రా తే పూషన్న్ ఇహ రాతిర్ అస్తు || 6-058-01
అజాశ్వః పశుపా వాజపస్త్యో ధియంజిన్వో భువనే విశ్వే అర్పితః |
అష్ట్రామ్ పూషా శిథిరామ్ ఉద్వరీవృజత్ సంచక్షాణో భువనా దేవ ఈయతే || 6-058-02
యాస్ తే పూషన్ నావో అన్తః సముద్రే హిరణ్యయీర్ అన్తరిక్షే చరన్తి |
తాభిర్ యాసి దూత్యాం సూర్యస్య కామేన కృత శ్రవ ఇచ్ఛమానః || 6-058-03
పూషా సుబన్ధుర్ దివ ఆ పృథివ్యా ఇళస్ పతిర్ మఘవా దస్మవర్చాః |
యం దేవాసో అదదుః సూర్యాయై కామేన కృతం తవసం స్వఞ్చమ్ || 6-058-04
