య ఓజిష్ఠ ఇన్ద్ర తం సు నో దా మదో వృషన్ స్వభిష్టిర్ దాస్వాన్ |
సౌవశ్వ్యం యో వనవత్ స్వశ్వో వృత్రా సమత్సు సాసహద్ అమిత్రాన్ || 6-033-01
త్వాం హీన్ద్రావసే వివాచో హవన్తే చర్షణయః శూరసాతౌ |
త్వం విప్రేభిర్ వి పణీఅశాయస్ త్వోత ఇత్ సనితా వాజమ్ అర్వా || 6-033-02
త్వం తాఇన్ద్రోభయాఅమిత్రాన్ దాసా వృత్రాణ్య్ ఆర్యా చ శూర |
వధీర్ వనేవ సుధితేభిర్ అత్కైర్ ఆ పృత్సు దర్షి నృణాం నృతమ || 6-033-03
స త్వం న ఇన్ద్రాకవాభిర్ ఊతీ సఖా విశ్వాయుర్ అవితా వృధే భూః |
స్వర్షాతా యద్ ధ్వయామసి త్వా యుధ్యన్తో నేమధితా పృత్సు శూర || 6-033-04
నూనం న ఇన్ద్రాపరాయ చ స్యా భవా మృళీక ఉత నో అభిష్టౌ |
ఇత్థా గృణన్తో మహినస్య శర్మన్ దివి ష్యామ పార్యే గోషతమాః || 6-033-05
