ఇన్ద్రం వో నరః సఖ్యాయ సేపుర్ మహో యన్తః సుమతయే చకానాః |
మహో హి దాతా వజ్రహస్తో అస్తి మహామ్ ఉ రణ్వమ్ అవసే యజధ్వమ్ || 6-029-01
ఆ యస్మిన్ హస్తే నర్యా మిమిక్షుర్ ఆ రథే హిరణ్యయే రథేష్ఠాః |
ఆ రశ్మయో గభస్త్యో స్థూరయోర్ ఆధ్వన్న్ అశ్వాసో వృషణో యుజానాః || 6-029-02
శ్రియే తే పాదా దువ ఆ మిమిక్షుర్ ధృష్ణుర్ వజ్రీ శవసా దక్షిణావాన్ |
వసానో అత్కం సురభిం దృశే కం స్వర్ ణ నృతవ్ ఇషిరో బభూథ || 6-029-03
స సోమ ఆమిశ్లతమః సుతో భూద్ యస్మిన్ పక్తిః పచ్యతే సన్తి ధానాః |
ఇన్ద్రం నర స్తువన్తో బ్రహ్మకారా ఉక్థా శంసన్తో దేవవాతతమాః || 6-029-04
న తే అన్తః శవసో ధాయ్య్ అస్య వి తు బాబధే రోదసీ మహిత్వా |
ఆ తా సూరిః పృణతి తూతుజానో యూథేవాప్సు సమీజమాన ఊతీ || 6-029-05
ఏవేద్ ఇన్ద్రః సుహవ ఋష్వో అస్తూతీ అనూతీ హిరిశిప్రః సత్వా |
ఏవా హి జాతో అసమాత్యోజాః పురూ చ వృత్రా హనతి ని దస్యూన్ || 6-029-06
