అగ్నా యో మర్త్యో దువో ధియం జుజోష ధీతిభిః |
భసన్ ను ష ప్ర పూర్వ్య ఇషం వురీతావసే || 6-014-01
అగ్నిర్ ఇద్ ధి ప్రచేతా అగ్నిర్ వేధస్తమ ఋషిః |
అగ్నిం హోతారమ్ ఈళతే యజ్ఞేషు మనుషో విశః || 6-014-02
నానా హ్య్ అగ్నే ऽవసే స్పర్ధన్తే రాయో అర్యః |
తూర్వన్తో దస్యుమ్ ఆయవో వ్రతైః సీక్షన్తో అవ్రతమ్ || 6-014-03
అగ్నిర్ అప్సామ్ ఋతీషహం వీరం దదాతి సత్పతిమ్ |
యస్య త్రసన్తి శవసః సంచక్షి శత్రవో భియా || 6-014-04
అగ్నిర్ హి విద్మనా నిదో దేవో మర్తమ్ ఉరుష్యతి |
సహావా యస్యావృతో రయిర్ వాజేష్వ్ అవృతః || 6-014-05
అచ్ఛా నో మిత్రమహో దేవ దేవాన్ అగ్నే వోచః సుమతిం రోదస్యోః |
వీహి స్వస్తిం సుక్షితిం దివో నౄన్ ద్విషో అంహాంసి దురితా తరేమ తా తరేమ తవావసా తరేమ|| 6-014-06
