ప్ర వో మహే మతయో యన్తు విష్ణవే మరుత్వతే గిరిజా ఏవయామరుత్ |
ప్ర శర్ధాయ ప్రయజ్యవే సుఖాదయే తవసే భన్దదిష్టయే ధునివ్రతాయ శవసే || 5-087-01
ప్ర యే జాతా మహినా యే చ ను స్వయమ్ ప్ర విద్మనా బ్రువత ఏవయామరుత్ |
క్రత్వా తద్ వో మరుతో నాధృషే శవో దానా మహ్నా తద్ ఏషామ్ అధృష్టాసో నాద్రయః || 5-087-02
ప్ర యే దివో బృహతః శృణ్విరే గిరా సుశుక్వానః సుభ్వ ఏవయామరుత్ |
న యేషామ్ ఇరీ సధస్థ ఈష్ట ఆఅగ్నయో న స్వవిద్యుతః ప్ర స్యన్ద్రాసో ధునీనామ్ || 5-087-03
స చక్రమే మహతో నిర్ ఉరుక్రమః సమానస్మాత్ సదస ఏవయామరుత్ |
యదాయుక్త త్మనా స్వాద్ అధి ష్ణుభిర్ విష్పర్ధసో విమహసో జిగాతి శేవృధో నృభిః || 5-087-04
స్వనో న వో ऽమవాన్ రేజయద్ వృషా త్వేషో యయిస్ తవిష ఏవయామరుత్ |
యేనా సహన్త ఋఞ్జత స్వరోచిష స్థారశ్మానో హిరణ్యయాః స్వాయుధాస ఇష్మిణః || 5-087-05
అపారో వో మహిమా వృద్ధశవసస్ త్వేషం శవో ऽవత్వ్ ఏవయామరుత్ |
స్థాతారో హి ప్రసితౌ సందృశి స్థన తే న ఉరుష్యతా నిదః శుశుక్వాంసో నాగ్నయః || 5-087-06
తే రుద్రాసః సుమఖా అగ్నయో యథా తువిద్యుమ్నా అవన్త్వ్ ఏవయామరుత్ |
దీర్ఘమ్ పృథు పప్రథే సద్మ పార్థివం యేషామ్ అజ్మేష్వ్ ఆ మహః శర్ధాంస్య్ అద్భుతైనసామ్ || 5-087-07
అద్వేషో నో మరుతో గాతుమ్ ఏతన శ్రోతా హవం జరితుర్ ఏవయామరుత్ |
విష్ణోర్ మహః సమన్యవో యుయోతన స్మద్ రథ్యో న దంసనాప ద్వేషాంసి సనుతః || 5-087-08
గన్తా నో యజ్ఞం యజ్ఞియాః సుశమి శ్రోతా హవమ్ అరక్ష ఏవయామరుత్ |
జ్యేష్ఠాసో న పర్వతాసో వ్యోమని యూయం తస్య ప్రచేతసః స్యాత దుర్ధర్తవో నిదః || 5-087-09
