కూష్ఠో దేవావ్ అశ్వినాద్యా దివో మనావసూ |
తచ్ ఛ్రవథో వృషణ్వసూ అత్రిర్ వామ్ ఆ వివాసతి || 5-074-01
కుహ త్యా కుహ ను శ్రుతా దివి దేవా నాసత్యా |
కస్మిన్న్ ఆ యతథో జనే కో వాం నదీనాం సచా || 5-074-02
కం యాథః కం హ గచ్ఛథః కమ్ అచ్ఛా యుఞ్జాథే రథమ్ |
కస్య బ్రహ్మాణి రణ్యథో వయం వామ్ ఉశ్మసీష్టయే || 5-074-03
పౌరం చిద్ ధ్య్ ఉదప్రుతమ్ పౌర పౌరాయ జిన్వథః |
యద్ ఈం గృభీతతాతయే సింహమ్ ఇవ ద్రుహస్ పదే || 5-074-04
ప్ర చ్యవానాజ్ జుజురుషో వవ్రిమ్ అత్కం న ముఞ్చథః |
యువా యదీ కృథః పునర్ ఆ కామమ్ ఋణ్వే వధ్వః || 5-074-05
అస్తి హి వామ్ ఇహ స్తోతా స్మసి వాం సందృశి శ్రియే |
నూ శ్రుతమ్ మ ఆ గతమ్ అవోభిర్ వాజినీవసూ || 5-074-06
కో వామ్ అద్య పురూణామ్ ఆ వవ్నే మర్త్యానామ్ |
కో విప్రో విప్రవాహసా కో యజ్ఞైర్ వాజినీవసూ || 5-074-07
ఆ వాం రథో రథానాం యేష్ఠో యాత్వ్ అశ్వినా |
పురూ చిద్ అస్మయుస్ తిర ఆఙ్గూషో మర్త్యేష్వ్ ఆ || 5-074-08
శమ్ ఊ షు వామ్ మధూయువాస్మాకమ్ అస్తు చర్కృతిః |
అర్వాచీనా విచేతసా విభిః శ్యేనేవ దీయతమ్ || 5-074-09
అశ్వినా యద్ ధ కర్హి చిచ్ ఛుశ్రూయాతమ్ ఇమం హవమ్ |
వస్వీర్ ఊ షు వామ్ భుజః పృఞ్చన్తి సు వామ్ పృచః || 5-074-10
