ఋగ్వేదము - మండలము 5 - సూక్తము 69
| ←ముందరి అధ్యాయము | ఋగ్వేదము (ఋగ్వేదము - మండలము 5 - సూక్తము 69) | తరువాతి అధ్యాయము→ |
| దేవత : , చంధస్సు : |
| ఋగ్వేదము | |||||||||||||
|---|---|---|---|---|---|---|---|---|---|---|---|---|---|
| |||||||||||||
త్రీ రోచనా వరుణ త్రీఉత ద్యూన్ త్రీణి మిత్ర ధారయథో రజాంసి |
వావృధానావ్ అమతిం క్షత్రియస్యాను వ్రతం రక్షమాణావ్ అజుర్యమ్ || 5-069-01
ఇరావతీర్ వరుణ ధేనవో వామ్ మధుమద్ వాం సిన్ధవో మిత్ర దుహ్రే |
త్రయస్ తస్థుర్ వృషభాసస్ తిసృణాం ధిషణానాం రేతోధా వి ద్యుమన్తః || 5-069-02
ప్రాతర్ దేవీమ్ అదితిం జోహవీమి మధ్యందిన ఉదితా సూర్యస్య |
రాయే మిత్రావరుణా సర్వతాతేళే తోకాయ తనయాయ శం యోః || 5-069-03
యా ధర్తారా రజసో రోచనస్యోతాదిత్యా దివ్యా పార్థివస్య |
న వాం దేవా అమృతా ఆ మినన్తి వ్రతాని మిత్రావరుణా ధ్రువాణి || 5-069-04