అగ్నే శర్ధన్తమ్ ఆ గణమ్ పిష్టం రుక్మేభిర్ అఞ్జిభిః |
విశో అద్య మరుతామ్ అవ హ్వయే దివశ్ చిద్ రోచనాద్ అధి || 5-056-01
యథా చిన్ మన్యసే హృదా తద్ ఇన్ మే జగ్ముర్ ఆశసః |
యే తే నేదిష్ఠం హవనాన్య్ ఆగమన్ తాన్ వర్ధ భీమసందృశః || 5-056-02
మీళ్హుష్మతీవ పృథివీ పరాహతా మదన్త్య్ ఏత్య్ అస్మద్ ఆ |
ఋక్షో న వో మరుతః శిమీవాఅమో దుధ్రో గౌర్ ఇవ భీమయుః || 5-056-03
ని యే రిణన్త్య్ ఓజసా వృథా గావో న దుర్ధురః |
అశ్మానం చిత్ స్వర్యమ్ పర్వతం గిరిమ్ ప్ర చ్యావయన్తి యామభిః || 5-056-04
ఉత్ తిష్ఠ నూనమ్ ఏషాం స్తోమైః సముక్షితానామ్ |
మరుతామ్ పురుతమమ్ అపూర్వ్యం గవాం సర్గమ్ ఇవ హ్వయే || 5-056-05
యుఙ్గ్ధ్వం హ్య్ అరుషీ రథే యుఙ్గ్ధ్వం రథేషు రోహితః |
యుఙ్గ్ధ్వం హరీ అజిరా ధురి వోళ్హవే వహిష్ఠా ధురి వోళ్హవే || 5-056-06
ఉత స్య వాజ్య్ అరుషస్ తువిష్వణిర్ ఇహ స్మ ధాయి దర్శతః |
మా వో యామేషు మరుతశ్ చిరం కరత్ ప్ర తం రథేషు చోదత || 5-056-07
రథం ను మారుతం వయం శ్రవస్యుమ్ ఆ హువామహే |
ఆ యస్మిన్ తస్థౌ సురణాని బిభ్రతీ సచా మరుత్సు రోదసీ || 5-056-08
తం వః శర్ధం రథేశుభం త్వేషమ్ పనస్యుమ్ ఆ హువే |
యస్మిన్ సుజాతా సుభగా మహీయతే సచా మరుత్సు మీళ్హుషీ || 5-056-09
