దేవం వో అద్య సవితారమ్ ఏషే భగం చ రత్నం విభజన్తమ్ ఆయోః |
ఆ వాం నరా పురుభుజా వవృత్యాం దివే-దివే చిద్ అశ్వినా సఖీయన్ || 5-049-01
ప్రతి ప్రయాణమ్ అసురస్య విద్వాన్ సూక్తైర్ దేవం సవితారం దువస్య |
ఉప బ్రువీత నమసా విజానఞ్ జ్యేష్ఠం చ రత్నం విభజన్తమ్ ఆయోః || 5-049-02
అదత్రయా దయతే వార్యాణి పూషా భగో అదితిర్ వస్త ఉస్రః |
ఇన్ద్రో విష్ణుర్ వరుణో మిత్రో అగ్నిర్ అహాని భద్రా జనయన్త దస్మాః || 5-049-03
తన్ నో అనర్వా సవితా వరూథం తత్ సిన్ధవ ఇషయన్తో అను గ్మన్ |
ఉప యద్ వోచే అధ్వరస్య హోతా రాయః స్యామ పతయో వాజరత్నాః || 5-049-04
ప్ర యే వసుభ్య ఈవద్ ఆ నమో దుర్ యే మిత్రే వరుణే సూక్తవాచః |
అవైత్వ్ అభ్వం కృణుతా వరీయో దివస్పృథివ్యోర్ అవసా మదేమ || 5-049-05
