తమ్ ప్రత్నథా పూర్వథా విశ్వథేమథా జ్యేష్ఠతాతిమ్ బర్హిషదం స్వర్విదమ్ |
ప్రతీచీనం వృజనం దోహసే గిరాశుం జయన్తమ్ అను యాసు వర్ధసే || 5-044-01
శ్రియే సుదృశీర్ ఉపరస్య యాః స్వర్ విరోచమానః కకుభామ్ అచోదతే |
సుగోపా అసి న దభాయ సుక్రతో పరో మాయాభిర్ ఋత ఆస నామ తే || 5-044-02
అత్యం హవిః సచతే సచ్ చ ధాతు చారిష్టగాతుః స హోతా సహోభరిః |
ప్రసర్స్రాణో అను బర్హిర్ వృషా శిశుర్ మధ్యే యువాజరో విస్రుహా హితః || 5-044-03
ప్ర వ ఏతే సుయుజో యామన్న్ ఇష్టయే నీచీర్ అముష్మై యమ్య ఋతావృధః |
సుయన్తుభిః సర్వశాసైర్ అభీశుభిః క్రివిర్ నామాని ప్రవణే ముషాయతి || 5-044-04
సంజర్భురాణస్ తరుభిః సుతేగృభం వయాకినం చిత్తగర్భాసు సుస్వరుః |
ధారవాకేష్వ్ ఋజుగాథ శోభసే వర్ధస్వ పత్నీర్ అభి జీవో అధ్వరే || 5-044-05
యాదృగ్ ఏవ దదృశే తాదృగ్ ఉచ్యతే సం ఛాయయా దధిరే సిధ్రయాప్స్వ్ ఆ |
మహీమ్ అస్మభ్యమ్ ఉరుషామ్ ఉరు జ్రయో బృహత్ సువీరమ్ అనపచ్యుతం సహః || 5-044-06
వేత్య్ అగ్రుర్ జనివాన్ వా అతి స్పృధః సమర్యతా మనసా సూర్యః కవిః |
ఘ్రంసం రక్షన్తమ్ పరి విశ్వతో గయమ్ అస్మాకం శర్మ వనవత్ స్వావసుః || 5-044-07
జ్యాయాంసమ్ అస్య యతునస్య కేతున ఋషిస్వరం చరతి యాసు నామ తే |
యాదృశ్మిన్ ధాయి తమ్ అపస్యయా విదద్ య ఉ స్వయం వహతే సో అరం కరత్ || 5-044-08
సముద్రమ్ ఆసామ్ అవ తస్థే అగ్రిమా న రిష్యతి సవనం యస్మిన్న్ ఆయతా |
అత్రా న హార్ది క్రవణస్య రేజతే యత్రా మతిర్ విద్యతే పూతబన్ధనీ || 5-044-09
స హి క్షత్రస్య మనసస్య చిత్తిభిర్ ఏవావదస్య యజతస్య సధ్రేః |
అవత్సారస్య స్పృణవామ రణ్వభిః శవిష్ఠం వాజం విదుషా చిద్ అర్ధ్యమ్ || 5-044-10
శ్యేన ఆసామ్ అదితిః కక్ష్యో మదో విశ్వవారస్య యజతస్య మాయినః |
సమ్ అన్యమ్-అన్యమ్ అర్థయన్త్య్ ఏతవే విదుర్ విషాణమ్ పరిపానమ్ అన్తి తే || 5-044-11
సదాపృణో యజతో వి ద్విషో వధీద్ బాహువృక్తః శ్రుతవిత్ తర్యో వః సచా |
ఉభా స వరా ప్రత్య్ ఏతి భాతి చ యద్ ఈం గణమ్ భజతే సుప్రయావభిః || 5-044-12
సుతమ్భరో యజమానస్య సత్పతిర్ విశ్వాసామ్ ఊధః స ధియామ్ ఉదఞ్చనః |
భరద్ ధేనూ రసవచ్ ఛిశ్రియే పయో ऽనుబ్రువాణో అధ్య్ ఏతి న స్వపన్ || 5-044-13
యో జాగార తమ్ ఋచః కామయన్తే యో జాగార తమ్ ఉ సామాని యన్తి |
యో జాగార తమ్ అయం సోమ ఆహ తవాహమ్ అస్మి సఖ్యే న్యోకాః || 5-044-14
అగ్నిర్ జాగార తమ్ ఋచః కామయన్తే ऽగ్నిర్ జాగార తమ్ ఉ సామాని యన్తి |
అగ్నిర్ జాగార తమ్ అయం సోమ ఆహ తవాహమ్ అస్మి సఖ్యే న్యోకాః || 5-044-15
