అదర్దర్ ఉత్సమ్ అసృజో వి ఖాని త్వమ్ అర్ణవాన్ బద్బధానాఅరమ్ణాః |
మహాన్తమ్ ఇన్ద్ర పర్వతం వి యద్ వః సృజో వి ధారా అవ దానవం హన్ || 5-032-01
త్వమ్ ఉత్సాఋతుభిర్ బద్బధానాఅరంహ ఊధః పర్వతస్య వజ్రిన్ |
అహిం చిద్ ఉగ్ర ప్రయుతం శయానం జఘన్వాఇన్ద్ర తవిషీమ్ అధత్థాః || 5-032-02
త్యస్య చిన్ మహతో నిర్ మృగస్య వధర్ జఘాన తవిషీభిర్ ఇన్ద్రః |
య ఏక ఇద్ అప్రతిర్ మన్యమాన ఆద్ అస్మాద్ అన్యో అజనిష్ట తవ్యాన్ || 5-032-03
త్యం చిద్ ఏషాం స్వధయా మదన్తమ్ మిహో నపాతం సువృధం తమోగామ్ |
వృషప్రభర్మా దానవస్య భామం వజ్రేణ వజ్రీ ని జఘాన శుష్ణమ్ || 5-032-04
త్యం చిద్ అస్య క్రతుభిర్ నిషత్తమ్ అమర్మణో విదద్ ఇద్ అస్య మర్మ |
యద్ ఈం సుక్షత్ర ప్రభృతా మదస్య యుయుత్సన్తం తమసి హర్మ్యే ధాః || 5-032-05
త్యం చిద్ ఇత్థా కత్పయం శయానమ్ అసూర్యే తమసి వావృధానమ్ |
తం చిన్ మన్దానో వృషభః సుతస్యోచ్చైర్ ఇన్ద్రో అపగూర్యా జఘాన || 5-032-06
ఉద్ యద్ ఇన్ద్రో మహతే దానవాయ వధర్ యమిష్ట సహో అప్రతీతమ్ |
యద్ ఈం వజ్రస్య ప్రభృతౌ దదాభ విశ్వస్య జన్తోర్ అధమం చకార || 5-032-07
త్యం చిద్ అర్ణమ్ మధుపం శయానమ్ అసిన్వం వవ్రమ్ మహ్య్ ఆదద్ ఉగ్రః |
అపాదమ్ అత్రమ్ మహతా వధేన ని దుర్యోణ ఆవృణఙ్ మృధ్రవాచమ్ || 5-032-08
కో అస్య శుష్మం తవిషీం వరాత ఏకో ధనా భరతే అప్రతీతః |
ఇమే చిద్ అస్య జ్రయసో ను దేవీ ఇన్ద్రస్యౌజసో భియసా జిహాతే || 5-032-09
న్య్ అస్మై దేవీ స్వధితిర్ జిహీత ఇన్ద్రాయ గాతుర్ ఉశతీవ యేమే |
సం యద్ ఓజో యువతే విశ్వమ్ ఆభిర్ అను స్వధావ్నే క్షితయో నమన్త || 5-032-10
ఏకం ను త్వా సత్పతిమ్ పాఞ్చజన్యం జాతం శృణోమి యశసం జనేషు |
తమ్ మే జగృభ్ర ఆశసో నవిష్ఠం దోషా వస్తోర్ హవమానాస ఇన్ద్రమ్ || 5-032-11
ఏవా హి త్వామ్ ఋతుథా యాతయన్తమ్ మఘా విప్రేభ్యో దదతం శృణోమి |
కిం తే బ్రహ్మాణో గృహతే సఖాయో యే త్వాయా నిదధుః కామమ్ ఇన్ద్ర || 5-032-12
