అచ్ఛా వో అగ్నిమ్ అవసే దేవం గాసి స నో వసుః |
రాసత్ పుత్ర ఋషూణామ్ ఋతావా పర్షతి ద్విషః || 5-025-01
స హి సత్యో యమ్ పూర్వే చిద్ దేవాసశ్ చిద్ యమ్ ఈధిరే |
హోతారమ్ మన్ద్రజిహ్వమ్ ఇత్ సుదీతిభిర్ విభావసుమ్ || 5-025-02
స నో ధీతీ వరిష్ఠయా శ్రేష్ఠయా చ సుమత్యా |
అగ్నే రాయో దిదీహి నః సువృక్తిభిర్ వరేణ్య || 5-025-03
అగ్నిర్ దేవేషు రాజత్య్ అగ్నిర్ మర్తేష్వ్ ఆవిశన్ |
అగ్నిర్ నో హవ్యవాహనో ऽగ్నిం ధీభిః సపర్యత || 5-025-04
అగ్నిస్ తువిశ్రవస్తమం తువిబ్రహ్మాణమ్ ఉత్తమమ్ |
అతూర్తం శ్రావయత్పతిమ్ పుత్రం దదాతి దాశుషే || 5-025-05
అగ్నిర్ దదాతి సత్పతిం సాసాహ యో యుధా నృభిః |
అగ్నిర్ అత్యం రఘుష్యదం జేతారమ్ అపరాజితమ్ || 5-025-06
యద్ వాహిష్ఠం తద్ అగ్నయే బృహద్ అర్చ విభావసో |
మహిషీవ త్వద్ రయిస్ త్వద్ వాజా ఉద్ ఈరతే || 5-025-07
తవ ద్యుమన్తో అర్చయో గ్రావేవోచ్యతే బృహత్ |
ఉతో తే తన్యతుర్ యథా స్వానో అర్త త్మనా దివః || 5-025-08
ఏవాఅగ్నిం వసూయవః సహసానం వవన్దిమ |
స నో విశ్వా అతి ద్విషః పర్షన్ నావేవ సుక్రతుః || 5-025-09
