కయా నశ్ చిత్ర ఆ భువద్ ఊతీ సదావృధః సఖా |
కయా శచిష్ఠయా వృతా || 4-031-01
కస్ త్వా సత్యో మదానామ్ మంహిష్ఠో మత్సద్ అన్ధసః |
దృళ్హా చిద్ ఆరుజే వసు || 4-031-02
అభీ షు ణః సఖీనామ్ అవితా జరితౄణామ్ |
శతమ్ భవాస్య్ ఊతిభిః || 4-031-03
అభీ న ఆ వవృత్స్వ చక్రం న వృత్తమ్ అర్వతః |
నియుద్భిశ్ చర్షణీనామ్ || 4-031-04
ప్రవతా హి క్రతూనామ్ ఆ హా పదేవ గచ్ఛసి |
అభక్షి సూర్యే సచా || 4-031-05
సం యత్ త ఇన్ద్ర మన్యవః సం చక్రాణి దధన్విరే |
అధ త్వే అధ సూర్యే || 4-031-06
ఉత స్మా హి త్వామ్ ఆహుర్ ఇన్ మఘవానం శచీపతే |
దాతారమ్ అవిదీధయుమ్ || 4-031-07
ఉత స్మా సద్య ఇత్ పరి శశమానాయ సున్వతే |
పురూ చిన్ మంహసే వసు || 4-031-08
నహి ష్మా తే శతం చన రాధో వరన్త ఆమురః |
న చ్యౌత్నాని కరిష్యతః || 4-031-09
అస్మాఅవన్తు తే శతమ్ అస్మాన్ సహస్రమ్ ఊతయః |
అస్మాన్ విశ్వా అభిష్టయః || 4-031-10
అస్మాఇహా వృణీష్వ సఖ్యాయ స్వస్తయే |
మహో రాయే దివిత్మతే || 4-031-11
అస్మాఅవిడ్ఢి విశ్వహేన్ద్ర రాయా పరీణసా |
అస్మాన్ విశ్వాభిర్ ఊతిభిః || 4-031-12
అస్మభ్యం తాఅపా వృధి వ్రజాఅస్తేవ గోమతః |
నవాభిర్ ఇన్ద్రోతిభిః || 4-031-13
అస్మాకం ధృష్ణుయా రథో ద్యుమాఇన్ద్రానపచ్యుతః |
గవ్యుర్ అశ్వయుర్ ఈయతే || 4-031-14
అస్మాకమ్ ఉత్తమం కృధి శ్రవో దేవేషు సూర్య |
వర్షిష్ఠం ద్యామ్ ఇవోపరి || 4-031-15
