ఆ న స్తుత ఉప వాజేభిర్ ఊతీ ఇన్ద్ర యాహి హరిభిర్ మన్దసానః |
తిరశ్ చిద్ అర్యః సవనా పురూణ్య్ ఆఙ్గూషేభిర్ గృణానః సత్యరాధాః || 4-029-01
ఆ హి ష్మా యాతి నర్యశ్ చికిత్వాన్ హూయమానః సోతృభిర్ ఉప యజ్ఞమ్ |
స్వశ్వో యో అభీరుర్ మన్యమానః సుష్వాణేభిర్ మదతి సం హ వీరైః || 4-029-02
శ్రావయేద్ అస్య కర్ణా వాజయధ్యై జుష్టామ్ అను ప్ర దిశమ్ మన్దయధ్యై |
ఉద్వావృషాణో రాధసే తువిష్మాన్ కరన్ న ఇన్ద్రః సుతీర్థాభయం చ || 4-029-03
అచ్ఛా యో గన్తా నాధమానమ్ ఊతీ ఇత్థా విప్రం హవమానం గృణన్తమ్ |
ఉప త్మని దధానో ధుర్య్ ఆశూన్ సహస్రాణి శతాని వజ్రబాహుః || 4-029-04
త్వోతాసో మఘవన్న్ ఇన్ద్ర విప్రా వయం తే స్యామ సూరయో గృణన్తః |
భేజానాసో బృహద్దివస్య రాయ ఆకాయ్యస్య దావనే పురుక్షోః || 4-029-05