గర్భే ను సన్న్ అన్వ్ ఏషామ్ అవేదమ్ అహం దేవానాం జనిమాని విశ్వా |
శతమ్ మా పుర ఆయసీర్ అరక్షన్న్ అధ శ్యేనో జవసా నిర్ అదీయమ్ || 4-027-01
న ఘా స మామ్ అప జోషం జభారాభీమ్ ఆస త్వక్షసా వీర్యేణ |
ఈర్మా పురంధిర్ అజహాద్ అరాతీర్ ఉత వాతాఅతరచ్ ఛూశువానః || 4-027-02
అవ యచ్ ఛ్యేనో అస్వనీద్ అధ ద్యోర్ వి యద్ యది వాత ఊహుః పురంధిమ్ |
సృజద్ యద్ అస్మా అవ హ క్షిపజ్ జ్యాం కృశానుర్ అస్తా మనసా భురణ్యన్ || 4-027-03
ఋజిప్య ఈమ్ ఇన్ద్రావతో న భుజ్యుం శ్యేనో జభార బృహతో అధి ష్ణోః |
అన్తః పతత్ పతత్ర్య్ అస్య పర్ణమ్ అధ యామని ప్రసితస్య తద్ వేః || 4-027-04
అధ శ్వేతం కలశం గోభిర్ అక్తమ్ ఆపిప్యానమ్ మఘవా శుక్రమ్ అన్ధః |
అధ్వర్యుభిః ప్రయతమ్ మధ్వో అగ్రమ్ ఇన్ద్రో మదాయ ప్రతి ధత్ పిబధ్యై శూరో మదాయ ప్రతి ధత్ పిబధ్యై|| 4-027-05
