ఏవా త్వామ్ ఇన్ద్ర వజ్రిన్న్ అత్ర విశ్వే దేవాసః సుహవాస ఊమాః |
మహామ్ ఉభే రోదసీ వృద్ధమ్ ఋష్వం నిర్ ఏకమ్ ఇద్ వృణతే వృత్రహత్యే || 4-019-01
అవాసృజన్త జివ్రయో న దేవా భువః సమ్రాళ్ ఇన్ద్ర సత్యయోనిః |
అహన్న్ అహిమ్ పరిశయానమ్ అర్ణః ప్ర వర్తనీర్ అరదో విశ్వధేనాః || 4-019-02
అతృప్ణువన్తం వియతమ్ అబుధ్యమ్ అబుధ్యమానం సుషుపాణమ్ ఇన్ద్ర |
సప్త ప్రతి ప్రవత ఆశయానమ్ అహిం వజ్రేణ వి రిణా అపర్వన్ || 4-019-03
అక్షోదయచ్ ఛవసా క్షామ బుధ్నం వార్ ణ వాతస్ తవిషీభిర్ ఇన్ద్రః |
దృళ్హాన్య్ ఔభ్నాద్ ఉశమాన ఓజో ऽవాభినత్ కకుభః పర్వతానామ్ || 4-019-04
అభి ప్ర దద్రుర్ జనయో న గర్భం రథా ఇవ ప్ర యయుః సాకమ్ అద్రయః |
అతర్పయో విసృత ఉబ్జ ఊర్మీన్ త్వం వృతాఅరిణా ఇన్ద్ర సిన్ధూన్ || 4-019-05
త్వమ్ మహీమ్ అవనిం విశ్వధేనాం తుర్వీతయే వయ్యాయ క్షరన్తీమ్ |
అరమయో నమసైజద్ అర్ణః సుతరణాఅకృణోర్ ఇన్ద్ర సిన్ధూన్ || 4-019-06
ప్రాగ్రువో నభన్వో న వక్వా ధ్వస్రా అపిన్వద్ యువతీర్ ఋతజ్ఞాః |
ధన్వాన్య్ అజ్రాఅపృణక్ తృషాణాఅధోగ్ ఇన్ద్ర స్తర్యో దంసుపత్నీః || 4-019-07
పూర్వీర్ ఉషసః శరదశ్ చ గూర్తా వృత్రం జఘన్వాఅసృజద్ వి సిన్ధూన్ |
పరిష్ఠితా అతృణద్ బద్బధానాః సీరా ఇన్ద్రః స్రవితవే పృథివ్యా || 4-019-08
వమ్రీభిః పుత్రమ్ అగ్రువో అదానం నివేశనాద్ ధరివ ఆ జభర్థ |
వ్య్ అన్ధో అఖ్యద్ అహిమ్ ఆదదానో నిర్ భూద్ ఉఖచ్ఛిత్ సమ్ అరన్త పర్వ || 4-019-09
ప్ర తే పూర్వాణి కరణాని విప్రావిద్వాఆహ విదుషే కరాంసి |
యథా-యథా వృష్ణ్యాని స్వగూర్తాపాంసి రాజన్ నర్యావివేషీః || 4-019-10
నూ ష్టుత ఇన్ద్ర నూ గృణాన ఇషం జరిత్రే నద్యో న పీపేః |
అకారి తే హరివో బ్రహ్మ నవ్యం ధియా స్యామ రథ్యః సదాసాః || 4-019-11
