అగ్నే తమ్ అద్యాశ్వం న స్తోమైః క్రతుం న భద్రం హృదిస్పృశమ్ |
ఋధ్యామా త ఓహైః || 4-010-01
అధా హ్య్ అగ్నే క్రతోర్ భద్రస్య దక్షస్య సాధోః |
రథీర్ ఋతస్య బృహతో బభూథ || 4-010-02
ఏభిర్ నో అర్కైర్ భవా నో అర్వాఙ్ స్వర్ ణ జ్యోతిః |
అగ్నే విశ్వేభిః సుమనా అనీకైః || 4-010-03
ఆభిష్ టే అద్య గీర్భిర్ గృణన్తో ऽగ్నే దాశేమ |
ప్ర తే దివో న స్తనయన్తి శుష్మాః || 4-010-04
తవ స్వాదిష్ఠాగ్నే సందృష్టిర్ ఇదా చిద్ అహ్న ఇదా చిద్ అక్తోః |
శ్రియే రుక్మో న రోచత ఉపాకే || 4-010-05
ఘృతం న పూతం తనూర్ అరేపాః శుచి హిరణ్యమ్ |
తత్ తే రుక్మో న రోచత స్వధావః || 4-010-06
కృతం చిద్ ధి ష్మా సనేమి ద్వేషో ऽగ్న ఇనోషి మర్తాత్ |
ఇత్థా యజమానాద్ ఋతావః || 4-010-07
శివా నః సఖ్యా సన్తు భ్రాత్రాగ్నే దేవేషు యుష్మే |
సా నో నాభిః సదనే సస్మిన్న్ ఊధన్ || 4-010-08