ఇహేహ వో మనసా బన్ధుతా నర ఉశిజో జగ్ముర్ అభి తాని వేదసా |
యాభిర్ మాయాభిః ప్రతిజూతివర్పసః సౌధన్వనా యజ్ఞియమ్ భాగమ్ ఆనశ || 3-060-01
యాభిః శచీభిశ్ చమసాఅపింశత యయా ధియా గామ్ అరిణీత చర్మణః |
యేన హరీ మనసా నిరతక్షత తేన దేవత్వమ్ ఋభవః సమ్ ఆనశ || 3-060-02
ఇన్ద్రస్య సఖ్యమ్ ఋభవః సమ్ ఆనశుర్ మనోర్ నపాతో అపసో దధన్విరే |
సౌధన్వనాసో అమృతత్వమ్ ఏరిరే విష్ట్వీ శమీభిః సుకృతః సుకృత్యయా || 3-060-03
ఇన్ద్రేణ యాథ సరథం సుతే సచాఅథో వశానామ్ భవథా సహ శ్రియా |
న వః ప్రతిమై సుకృతాని వాఘతః సౌధన్వనా ఋభవో వీర్యాణి చ || 3-060-04
ఇన్ద్ర ఋభుభిర్ వాజవద్భిః సముక్షితం సుతం సోమమ్ ఆ వృషస్వా గభస్త్యోః |
ధియేషితో మఘవన్ దాశుషో గృహే సౌధన్వనేభిః సహ మత్స్వా నృభిః || 3-060-05
ఇన్ద్ర ఋభుమాన్ వాజవాన్ మత్స్వేహ నో ऽస్మిన్ సవనే శచ్యా పురుష్టుత |
ఇమాని తుభ్యం స్వసరాణి యేమిరే వ్రతా దేవానామ్ మనుషశ్ చ ధర్మభిః || 3-060-06
ఇన్ద్ర ఋభుభిర్ వాజిభిర్ వాజయన్న్ ఇహ స్తోమం జరితుర్ ఉప యాహి యజ్ఞియమ్ |
శతం కేతేభిర్ ఇషిరేభిర్ ఆయవే సహస్రణీథో అధ్వరస్య హోమని || 3-060-07
