అయం తే అస్తు హర్యతః సోమ ఆ హరిభిః సుతః |
జుషాణ ఇన్ద్ర హరిభిర్ న ఆ గహ్య్ ఆ తిష్ఠ హరితం రథమ్ || 3-044-01
హర్యన్న్ ఉషసమ్ అర్చయః సూర్యం హర్యన్న్ అరోచయః |
విద్వాంశ్ చికిత్వాన్ హర్యశ్వ వర్ధస ఇన్ద్ర విశ్వా అభి శ్రియః || 3-044-02
ద్యామ్ ఇన్ద్రో హరిధాయసమ్ పృథివీం హరివర్పసమ్ |
అధారయద్ ధరితోర్ భూరి భోజనం యయోర్ అన్తర్ హరిశ్ చరత్ || 3-044-03
జజ్ఞానో హరితో వృషా విశ్వమ్ ఆ భాతి రోచనమ్ |
హర్యశ్వో హరితం ధత్త ఆయుధమ్ ఆ వజ్రమ్ బాహ్వోర్ హరిమ్ || 3-044-04
ఇన్ద్రో హర్యన్తమ్ అర్జునం వజ్రం శుక్రైర్ అభీవృతమ్ |
అపావృణోద్ ధరిభిర్ అద్రిభిః సుతమ్ ఉద్ గా హరిభిర్ ఆజత || 3-044-05
