భవా నో అగ్నే సుమనా ఉపేతౌ సఖేవ సఖ్యే పితరేవ సాధుః |
పురుద్రుహో హి క్షితయో జనానామ్ ప్రతి ప్రతీచీర్ దహతాద్ అరాతీః || 3-018-01
తపో ష్వ్ అగ్నే అన్తరాఅమిత్రాన్ తపా శంసమ్ అరరుషః పరస్య |
తపో వసో చికితానో అచిత్తాన్ వి తే తిష్ఠన్తామ్ అజరా అయాసః || 3-018-02
ఇధ్మేనాగ్న ఇచ్ఛమానో ఘృతేన జుహోమి హవ్యం తరసే బలాయ |
యావద్ ఈశే బ్రహ్మణా వన్దమాన ఇమాం ధియం శతసేయాయ దేవీమ్ || 3-018-03
ఉచ్ ఛోచిషా సహసస్ పుత్ర స్తుతో బృహద్ వయః శశమానేషు ధేహి |
రేవద్ అగ్నే విశ్వామిత్రేషు శం యోర్ మర్మృజ్మా తే తన్వమ్ భూరి కృత్వః || 3-018-04
కృధి రత్నం సుసనితర్ ధనానాం స ఘేద్ అగ్నే భవసి యత్ సమిద్ధః |
స్తోతుర్ దురోణే సుభగస్య రేవత్ సృప్రా కరస్నా దధిషే వపూంషి || 3-018-05
