అయమ్ అగ్నిః సువీర్యస్యేశే మహః సౌభగస్య |
రాయ ఈశే స్వపత్యస్య గోమత ఈశే వృత్రహథానామ్ || 3-016-01
ఇమం నరో మరుతః సశ్చతా వృధం యస్మిన్ రాయః శేవృధాసః |
అభి యే సన్తి పృతనాసు దూఢ్యో విశ్వాహా శత్రుమ్ ఆదభుః || 3-016-02
స త్వం నో రాయః శిశీహి మీఢ్వో అగ్నే సువీర్యస్య |
తువిద్యుమ్న వర్షిష్ఠస్య ప్రజావతో ऽనమీవస్య శుష్మిణః || 3-016-03
చక్రిర్ యో విశ్వా భువనాభి సాసహిశ్ చక్రిర్ దేవేష్వ్ ఆ దువః |
ఆ దేవేషు యతత ఆ సువీర్య ఆ శంస ఉత నృణామ్ || 3-016-04
మా నో అగ్నే ऽమతయే మావీరతాయై రీరధః |
మాగోతాయై సహసస్ పుత్ర మా నిదే ऽప ద్వేషాంస్య్ ఆ కృధి || 3-016-05
శగ్ధి వాజస్య సుభగ ప్రజావతో ऽగ్నే బృహతో అధ్వరే |
సం రాయా భూయసా సృజ మయోభునా తువిద్యుమ్న యశస్వతా || 3-016-06
