ని హోతా హోతృషదనే విదానస్ త్వేషో దీదివాఅసదత్ సుదక్షః |
అదబ్ధవ్రతప్రమతిర్ వసిష్ఠః సహస్రమ్భరః శుచిజిహ్వో అగ్నిః || 2-009-01
త్వం దూతస్ త్వమ్ ఉ నః పరస్పాస్ త్వం వస్య ఆ వృషభ ప్రణేతా |
అగ్నే తోకస్య నస్ తనే తనూనామ్ అప్రయుచ్ఛన్ దీద్యద్ బోధి గోపాః || 2-009-02
విధేమ తే పరమే జన్మన్న్ అగ్నే విధేమ స్తోమైర్ అవరే సధస్థే |
యస్మాద్ యోనేర్ ఉదారిథా యజే తమ్ ప్ర త్వే హవీంషి జుహురే సమిద్ధే || 2-009-03
అగ్నే యజస్వ హవిషా యజీయాఞ్ ఛ్రుష్టీ దేష్ణమ్ అభి గృణీహి రాధః |
త్వం హ్య్ అసి రయిపతీ రయీణాం త్వం శుక్రస్య వచసో మనోతా || 2-009-04
ఉభయం తే న క్షీయతే వసవ్యం దివే-దివే జాయమానస్య దస్మ |
కృధి క్షుమన్తం జరితారమ్ అగ్నే కృధి పతిం స్వపత్యస్య రాయః || 2-009-05
సైనానీకేన సువిదత్రో అస్మే యష్టా దేవాఆయజిష్ఠః స్వస్తి |
అదబ్ధో గోపా ఉత నః పరస్పా అగ్నే ద్యుమద్ ఉత రేవద్ దిదీహి || 2-009-06
