ఇమామ్ మే అగ్నే సమిధమ్ ఇమామ్ ఉపసదం వనేః |
ఇమా ఉ షు శ్రుధీ గిరః || 2-006-01
అయా తే అగ్నే విధేమోర్జో నపాద్ అశ్వమిష్టే |
ఏనా సూక్తేన సుజాత || 2-006-02
తం త్వా గీర్భిర్ గిర్వణసం ద్రవిణస్యుం ద్రవిణోదః |
సపర్యేమ సపర్యవః || 2-006-03
స బోధి సూరిర్ మఘవా వసుపతే వసుదావన్ |
యుయోధ్య్ అస్మద్ ద్వేషాంసి || 2-006-04
స నో వృష్టిం దివస్ పరి స నో వాజమ్ అనర్వాణమ్ |
స నః సహస్రిణీర్ ఇషః || 2-006-05
ఈళానాయావస్యవే యవిష్ఠ దూత నో గిరా |
యజిష్ఠ హోతర్ ఆ గహి || 2-006-06
అన్తర్ హ్య్ అగ్న ఈయసే విద్వాఞ్ జన్మోభయా కవే |
దూతో జన్యేవ మిత్ర్యః || 2-006-07
స విద్వాఆ చ పిప్రయో యక్షి చికిత్వ ఆనుషక్ |
ఆ చాస్మిన్ సత్సి బర్హిషి || 2-006-08
