త్రికద్రుకేషు మహిషో యవాశిరం తువిశుష్మస్|
తృపత్ సోమమ్ అపిబద్ విష్ణునా సుతం యథావశత్ |
స ఈమ్ మమాద మహి కర్మ కర్తవే మహామ్ ఉరుం|
సైనం సశ్చద్ దేవో దేవం సత్యమ్ ఇన్ద్రం సత్య ఇన్దుః || 2-022-01
అధ త్విషీమాఅభ్య్ ఓజసా క్రివిం యుధాభవద్|
ఆ రోదసీ అపృణద్ అస్య మజ్మనా ప్ర వావృధే |
అధత్తాన్యం జఠరే ప్రేమ్ అరిచ్యత|
సైనం సశ్చద్ దేవో దేవం సత్యమ్ ఇన్ద్రం సత్య ఇన్దుః || 2-022-02
సాకం జాతః క్రతునా సాకమ్ ఓజసా వవక్షిథ|
సాకం వృద్ధో వీర్యాః సాసహిర్ మృధో విచర్షణిః |
దాతా రాధ స్తువతే కామ్యం వసు|
సైనం సశ్చద్ దేవో దేవం సత్యమ్ ఇన్ద్రం సత్య ఇన్దుః || 2-022-03
తవ త్యన్ నర్యం నృతో ऽప ఇన్ద్ర ప్రథమమ్ పూర్వ్యం దివి ప్రవాచ్యం కృతమ్ |
యద్ దేవస్య శవసా ప్రారిణా అసుం రిణన్న్ అపః |
భువద్ విశ్వమ్ అభ్య్ ఆదేవమ్ ఓజసా విదాద్ ఊర్జం శతక్రతుర్ విదాద్ ఇషమ్ || 2-022-04
