స ప్రత్నథా సహసా జాయమానః సద్యః కావ్యాని బళ్ అధత్త విశ్వా |
ఆపశ్ చ మిత్రం ధిషణా చ సాధన్ దేవా అగ్నిం ధారయన్ ద్రవిణోదామ్ || 1-096-01
స పూర్వయా నివిదా కవ్యతాయోర్ ఇమాః ప్రజా అజనయన్ మనూనామ్ |
వివస్వతా చక్షసా ద్యామ్ అపశ్ చ దేవా అగ్నిం ధారయన్ ద్రవిణోదామ్ || 1-096-02
తమ్ ఈళత ప్రథమం యజ్ఞసాధం విశ ఆరీర్ ఆహుతమ్ ఋఞ్జసానమ్ |
ఊర్జః పుత్రమ్ భరతం సృప్రదానుం దేవా అగ్నిం ధారయన్ ద్రవిణోదామ్ || 1-096-03
స మాతరిశ్వా పురువారపుష్టిర్ విదద్ గాతుం తనయాయ స్వర్విత్ |
విశాం గోపా జనితా రోదస్యోర్ దేవా అగ్నిం ధారయన్ ద్రవిణోదామ్ || 1-096-04
నక్తోషాసా వర్ణమ్ ఆమేమ్యానే ధాపయేతే శిశుమ్ ఏకం సమీచీ |
ద్యావాక్షామా రుక్మో అన్తర్ వి భాతి దేవా అగ్నిం ధారయన్ ద్రవిణోదామ్ || 1-096-05
రాయో బుధ్నః సంగమనో వసూనాం యజ్ఞస్య కేతుర్ మన్మసాధనో వేః |
అమృతత్వం రక్షమాణాస ఏనం దేవా అగ్నిం ధారయన్ ద్రవిణోదామ్ || 1-096-06
నూ చ పురా చ సదనం రయీణాం జాతస్య చ జాయమానస్య చ క్షామ్ |
సతశ్ చ గోపామ్ భవతశ్ చ భూరేర్ దేవా అగ్నిం ధారయన్ ద్రవిణోదామ్ || 1-096-07
ద్రవిణోదా ద్రవిణసస్ తురస్య ద్రవిణోదాః సనరస్య ప్ర యంసత్ |
ద్రవిణోదా వీరవతీమ్ ఇషం నో ద్రవిణోదా రాసతే దీర్ఘమ్ ఆయుః || 1-096-08
ఏవా నో అగ్నే సమిధా వృధానో రేవత్ పావక శ్రవసే వి భాహి |
తన్ నో మిత్రో వరుణో మామహన్తామ్ అదితిః సిన్ధుః పృథివీ ఉత ద్యౌః || 1-096-09
