ఉపో షు శృణుహీ గిరో మఘవన్ మాతథా ఇవ |
యదా నః సూనృతావతః కర ఆద్ అర్థయాస ఇద్ యోజా న్వ్ ఐన్ద్ర తే హరీ || 1-082-01
అక్షన్న్ అమీమదన్త హ్య్ అవ ప్రియా అధూషత |
అస్తోషత స్వభానవో విప్రా నవిష్ఠయా మతీ యోజా న్వ్ ఐన్ద్ర తే హరీ || 1-082-02
సుసందృశం త్వా వయమ్ మఘవన్ వన్దిషీమహి |
ప్ర నూనమ్ పూర్ణవన్ధుర స్తుతో యాహి వశాఅను యోజా న్వ్ ఐన్ద్ర తే హరీ || 1-082-03
స ఘా తం వృషణం రథమ్ అధి తిష్ఠాతి గోవిదమ్ |
యః పాత్రం హారియోజనమ్ పూర్ణమ్ ఇన్ద్ర చికేతతి యోజా న్వ్ ఐన్ద్ర తే హరీ || 1-082-04
యుక్తస్ తే అస్తు దక్షిణ ఉత సవ్యః శతక్రతో |
తేన జాయామ్ ఉప ప్రియామ్ మన్దానో యాహ్య్ అన్ధసో యోజా న్వ్ ఐన్ద్ర తే హరీ || 1-082-05
యునజ్మి తే బ్రహ్మణా కేశినా హరీ ఉప ప్ర యాహి దధిషే గభస్త్యోః |
ఉత్ త్వా సుతాసో రభసా అమన్దిషుః పూషణ్వాన్ వజ్రిన్ సమ్ ఉ పత్న్యామదః || 1-082-06
