ఉపప్రయన్తో అధ్వరమ్ మన్త్రం వోచేమాగ్నయే |
ఆరే అస్మే చ శృణ్వతే || 1-074-01
యః స్నీహితీషు పూర్వ్యః సంజగ్మానాసు కృష్టిషు |
అరక్షద్ దాశుషే గయమ్ || 1-074-02
ఉత బ్రువన్తు జన్తవ ఉద్ అగ్నిర్ వృత్రహాజని |
ధనంజయో రణే-రణే || 1-074-03
యస్య దూతో అసి క్షయే వేషి హవ్యాని వీతయే |
దస్మత్ కృణోష్య్ అధ్వరమ్ || 1-074-04
తమ్ ఇత్ సుహవ్యమ్ అఙ్గిరః సుదేవం సహసో యహో |
జనా ఆహుః సుబర్హిషమ్ || 1-074-05
ఆ చ వహాసి తాఇహ దేవాఉప ప్రశస్తయే |
హవ్యా సుశ్చన్ద్ర వీతయే || 1-074-06
న యోర్ ఉపబ్దిర్ అశ్వ్యః శృణ్వే రథస్య కచ్ చన |
యద్ అగ్నే యాసి దూత్యమ్ || 1-074-07
త్వోతో వాజ్య్ అహ్రయో ऽభి పూర్వస్మాద్ అపరః |
ప్ర దాశ్వాఅగ్నే అస్థాత్ || 1-074-08
ఉత ద్యుమత్ సువీర్యమ్ బృహద్ అగ్నే వివాససి |
దేవేభ్యో దేవ దాశుషే || 1-074-09
