వయా ఇద్ అగ్నే అగ్నయస్ తే అన్యే త్వే విశ్వే అమృతా మాదయన్తే |
వైశ్వానర నాభిర్ అసి క్షితీనాం స్థూణేవ జనాఉపమిద్ యయన్థ || 1-059-01
మూర్ధా దివో నాభిర్ అగ్నిః పృథివ్యా అథాభవద్ అరతీ రోదస్యోః |
తం త్వా దేవాసో ऽజనయన్త దేవం వైశ్వానర జ్యోతిర్ ఇద్ ఆర్యాయ || 1-059-02
ఆ సూర్యే న రశ్మయో ధ్రువాసో వైశ్వానరే దధిరే ऽగ్నా వసూని |
యా పర్వతేష్వ్ ఓషధీష్వ్ అప్సు యా మానుషేష్వ్ అసి తస్య రాజా || 1-059-03
బృహతీ ఇవ సూనవే రోదసీ గిరో హోతా మనుష్యో న దక్షః |
స్వర్వతే సత్యశుష్మాయ పూర్వీర్ వైశ్వానరాయ నృతమాయ యహ్వీః || 1-059-04
దివశ్ చిత్ తే బృహతో జాతవేదో వైశ్వానర ప్ర రిరిచే మహిత్వమ్ |
రాజా కృష్టీనామ్ అసి మానుషీణాం యుధా దేవేభ్యో వరివశ్ చకర్థ || 1-059-05
ప్ర నూ మహిత్వం వృషభస్య వోచం యమ్ పూరవో వృత్రహణం సచన్తే |
వైశ్వానరో దస్యుమ్ అగ్నిర్ జఘన్వాఅధూనోత్ కాష్ఠా అవ శమ్బరమ్ భేత్ || 1-059-06
వైశ్వానరో మహిమ్నా విశ్వకృష్టిర్ భరద్వాజేషు యజతో విభావా |
శాతవనేయే శతినీభిర్ అగ్నిః పురుణీథే జరతే సూనృతావాన్ || 1-059-07
