ఏష ప్ర పూర్వీర్ అవ తస్య చమ్రిషో ऽత్యో న యోషామ్ ఉద్ అయంస్త భుర్వణిః |
దక్షమ్ మహే పాయయతే హిరణ్యయం రథమ్ ఆవృత్యా హరియోగమ్ ఋభ్వసమ్ || 1-056-01
తం గూర్తయో నేమన్నిషః పరీణసః సముద్రం న సంచరణే సనిష్యవః |
పతిం దక్షస్య విదథస్య నూ సహో గిరిం న వేనా అధి రోహ తేజసా || 1-056-02
స తుర్వణిర్ మహాఅరేణు పౌంస్యే గిరేర్ భృష్టిర్ న భ్రాజతే తుజా శవః |
యేన శుష్ణమ్ మాయినమ్ ఆయసో మదే దుధ్ర ఆభూషు రామయన్ ని దామని || 1-056-03
దేవీ యది తవిషీ త్వావృధోతయ ఇన్ద్రం సిషక్త్య్ ఉషసం న సూర్యః |
యో ధృష్ణునా శవసా బాధతే తమ ఇయర్తి రేణుమ్ బృహద్ అర్హరిష్వణిః || 1-056-04
వి యత్ తిరో ధరుణమ్ అచ్యుతం రజో ऽతిష్ఠిపో దివ ఆతాసు బర్హణా |
స్వర్మీళ్హే యన్ మద ఇన్ద్ర హర్ష్యాహన్ వృత్రం నిర్ అపామ్ ఔబ్జో అర్ణవమ్ || 1-056-05
త్వం దివో ధరుణం ధిష ఓజసా పృథివ్యా ఇన్ద్ర సదనేషు మాహినః |
త్వం సుతస్య మదే అరిణా అపో వి వృత్రస్య సమయా పాష్యారుజః || 1-056-06
