పూర్వీర్ అహం శరదః శశ్రమాణా దోషా వస్తోర్ ఉషసో జరయన్తీః |
మినాతి శ్రియం జరిమా తనూనామ్ అప్య్ ఊ ను పత్నీర్ వృషణో జగమ్యుః || 1-179-01
యే చిద్ ధి పూర్వ ఋతసాప ఆసన్ సాకం దేవేభిర్ అవదన్న్ ఋతాని |
తే చిద్ అవాసుర్ నహ్య్ అన్తమ్ ఆపుః సమ్ ఊ ను పత్నీర్ వృషభిర్ జగమ్యుః || 1-179-02
న మృషా శ్రాన్తం యద్ అవన్తి దేవా విశ్వా ఇత్ స్పృధో అభ్య్ అశ్నవావ |
జయావేద్ అత్ర శతనీథమ్ ఆజిం యత్ సమ్యఞ్చా మిథునావ్ అభ్య్ అజావ || 1-179-03
నదస్య మా రుధతః కామ ఆగన్న్ ఇత ఆజాతో అముతః కుతశ్ చిత్ |
లోపాముద్రా వృషణం నీ రిణాతి ధీరమ్ అధీరా ధయతి శ్వసన్తమ్ || 1-179-04
ఇమం ను సోమమ్ అన్తితో హృత్సు పీతమ్ ఉప బ్రువే |
యత్ సీమ్ ఆగశ్ చకృమా తత్ సు మృళతు పులుకామో హి మర్త్యః || 1-179-05
అగస్త్యః ఖనమానః ఖనిత్రైః ప్రజామ్ అపత్యమ్ బలమ్ ఇచ్ఛమానః |
ఉభౌ వర్ణావ్ ఋషిర్ ఉగ్రః పుపోష సత్యా దేవేష్వ్ ఆశిషో జగామ || 1-179-06
