యువం వస్త్రాణి పీవసా వసాథే యువోర్ అచ్ఛిద్రా మన్తవో హ సర్గాః |
అవాతిరతమ్ అనృతాని విశ్వ ఋతేన మిత్రావరుణా సచేథే || 1-152-01
ఏతచ్ చన త్వో వి చికేతద్ ఏషాం సత్యో మన్త్రః కవిశస్త ఋఘావాన్ |
త్రిరశ్రిం హన్తి చతురశ్రిర్ ఉగ్రో దేవనిదో హ ప్రథమా అజూర్యన్ || 1-152-02
అపాద్ ఏతి ప్రథమా పద్వతీనాం కస్ తద్ వామ్ మిత్రావరుణా చికేత |
గర్భో భారమ్ భరత్య్ ఆ చిద్ అస్య ఋతమ్ పిపర్త్య్ అనృతం ని తారీత్ || 1-152-03
ప్రయన్తమ్ ఇత్ పరి జారం కనీనామ్ పశ్యామసి నోపనిపద్యమానమ్ |
అనవపృగ్ణా వితతా వసానమ్ ప్రియమ్ మిత్రస్య వరుణస్య ధామ || 1-152-04
అనశ్వో జాతో అనభీశుర్ అర్వా కనిక్రదత్ పతయద్ ఊర్ధ్వసానుః |
అచిత్తమ్ బ్రహ్మ జుజుషుర్ యువానః ప్ర మిత్రే ధామ వరుణే గృణన్తః || 1-152-05
ఆ ధేనవో మామతేయమ్ అవన్తీర్ బ్రహ్మప్రియమ్ పీపయన్ సస్మిన్న్ ఊధన్ |
పిత్వో భిక్షేత వయునాని విద్వాన్ ఆసావివాసన్న్ అదితిమ్ ఉరుష్యేత్ || 1-152-06
ఆ వామ్ మిత్రావరుణా హవ్యజుష్టిం నమసా దేవావ్ అవసా వవృత్యామ్ |
అస్మాకమ్ బ్రహ్మ పృతనాసు సహ్యా అస్మాకం వృష్టిర్ దివ్యా సుపారా || 1-152-07
