ఉభే పునామి రోదసీ ఋతేన ద్రుహో దహామి సమ్ మహీర్ అనిన్ద్రాః |
అభివ్లగ్య యత్ర హతా అమిత్రా వైలస్థానమ్ పరి తృళ్హా అశేరన్ || 1-133-01
అభివ్లగ్యా చిద్ అద్రివః శీర్షా యాతుమతీనామ్ |
ఛిన్ధి వటూరిణా పదా మహావటూరిణా పదా || 1-133-02
అవాసామ్ మఘవఞ్ జహి శర్ధో యాతుమతీనామ్ |
వైలస్థానకే అర్మకే మహావైలస్థే అర్మకే || 1-133-03
యాసాం తిస్రః పఞ్చాశతో ऽభివ్లఙ్గైర్ అపావపః |
తత్ సు తే మనాయతి తకత్ సు తే మనాయతి || 1-133-04
పిశఙ్గభృష్టిమ్ అమ్భృణమ్ పిశాచిమ్ ఇన్ద్ర సమ్ మృణ |
సర్వం రక్షో ని బర్హయ || 1-133-05
అవర్ మహ ఇన్ద్ర దాదృహి శ్రుధీ నః శుశోచ హి ద్యౌః క్షా న భీషాఅద్రివో ఘృణాన్ న భీషాఅద్రివః |
శుష్మిన్తమో హి శుష్మిభిర్ వధైర్ ఉగ్రేభిర్ ఈయసే |
అపూరుషఘ్నో అప్రతీత శూర సత్వభిస్ త్రిసప్తైః శూర సత్వభిః || 1-133-06
వనోతి హి సున్వన్ క్షయమ్ పరీణసః సున్వానో హి ష్మా యజత్య్ అవ ద్విషో దేవానామ్ అవ ద్విషః |
సున్వాన ఇత్ సిషాసతి సహస్రా వాజ్య్ అవృతః |
సున్వానాయేన్ద్రో దదాత్య్ ఆభువం రయిం దదాత్య్ ఆభువమ్ || 1-133-07
