అగ్నిమ్ ఈళే పురోహితం యజ్ఞస్య దేవమ్ ఋత్విజమ్ |
హోతారం రత్నధాతమమ్ || 1-001-01
అగ్నిః పూర్వేభిర్ ఋషిభిర్ ఈడ్యో నూతనైర్ ఉత |
స దేవాఏహ వక్షతి || 1-001-02
అగ్నినా రయిమ్ అశ్నవత్ పోషమ్ ఏవ దివే-దివే |
యశసం వీరవత్తమమ్ || 1-001-03
అగ్నే యం యజ్ఞమ్ అధ్వరం విశ్వతః పరిభూర్ అసి |
స ఇద్ దేవేషు గచ్ఛతి || 1-001-04
అగ్నిర్ హోతా కవిక్రతుః సత్యశ్ చిత్రశ్రవస్తమః |
దేవో దేవేభిర్ ఆ గమత్ || 1-001-05
యద్ అఙ్గ దాశుషే త్వమ్ అగ్నే భద్రం కరిష్యసి |
తవేత్ తత్ సత్యమ్ అఙ్గిరః || 1-001-06
ఉప త్వాగ్నే దివే-దివే దోషావస్తర్ ధియా వయమ్ |
నమో భరన్త ఏమసి || 1-001-07
రాజన్తమ్ అధ్వరాణాం గోపామ్ ఋతస్య దీదివిమ్ |
వర్ధమానం స్వే దమే || 1-001-08
స నః పితేవ సూనవే ऽగ్నే సూపాయనో భవ |
సచస్వా నః స్వస్తయే || 1-001-09
