ఆ జనం త్వేషసందృశమ్ మాహీనానామ్ ఉపస్తుతమ్ |
అగన్మ బిభ్రతో నమః || 10-060-01
అసమాతిం నితోశనం త్వేషం నియయినం రథమ్ |
భజేరథస్య సత్పతిమ్ || 10-060-02
యో జనాన్ మహిషాఇవాతితస్థౌ పవీరవాన్ |
ఉతాపవీరవాన్ యుధా || 10-060-03
యస్యేక్ష్వాకుర్ ఉప వ్రతే రేవాన్ మరాయ్య్ ఏధతే |
దివీవ పఞ్చ కృష్టయః || 10-060-04
ఇన్ద్ర క్షత్రాసమాతిషు రథప్రోష్ఠేషు ధారయ |
దివీవ సూర్యం దృశే || 10-060-05
అగస్త్యస్య నద్భ్యః సప్తీ యునక్షి రోహితా |
పణీన్ న్య్ అక్రమీర్ అభి విశ్వాన్ రాజన్న్ అరాధసః || 10-060-06
అయమ్ మాతాయమ్ పితాయం జీవాతుర్ ఆగమత్ |
ఇదం తవ ప్రసర్పణం సుబన్ధవ్ ఏహి నిర్ ఇహి || 10-060-07
యథా యుగం వరత్రయా నహ్యన్తి ధరుణాయ కమ్ |
ఏవా దాధార తే మనో జీవాతవే న మృత్యవే ऽథో అరిష్టతాతయే || 10-060-08
యథేయమ్ పృథివీ మహీ దాధారేమాన్ వనస్పతీన్ |
ఏవా దాధార తే మనో జీవాతవే న మృత్యవే ऽథో అరిష్టతాతయే || 10-060-09
యమాద్ అహం వైవస్వతాత్ సుబన్ధోర్ మన ఆభరమ్ |
జీవాతవే న మృత్యవే ऽథో అరిష్టతాతయే || 10-060-10
న్యగ్ వాతో ऽవ వాతి న్యక్ తపతి సూర్యః |
నీచీనమ్ అఘ్న్యా దుహే న్యగ్ భవతు తే రపః || 10-060-11
అయమ్ మే హస్తో భగవాన్ అయమ్ మే భగవత్తరః |
అయమ్ మే విశ్వభేషజో ऽయం శివాభిమర్శనః || 10-060-12
