అహమ్ భువం వసునః పూర్వ్యస్ పతిర్ అహం ధనాని సం జయామి శశ్వతః |
మాం హవన్తే పితరం న జన్తవో ऽహం దాశుషే వి భజామి భోజనమ్ || 10-048-01
అహమ్ ఇన్ద్రో రోధో వక్షో అథర్వణస్ త్రితాయ గా అజనయమ్ అహేర్ అధి |
అహం దస్యుభ్యః పరి నృమ్ణమ్ ఆ దదే గోత్రా శిక్షన్ దధీచే మాతరిశ్వనే || 10-048-02
మహ్యం త్వష్టా వజ్రమ్ అతక్షద్ ఆయసమ్ మయి దేవాసో ऽవృజన్న్ అపి క్రతుమ్ |
మమానీకం సూర్యస్యేవ దుష్టరమ్ మామ్ ఆర్యన్తి కృతేన కర్త్వేన చ || 10-048-03
అహమ్ ఏతం గవ్యయమ్ అశ్వ్యమ్ పశుమ్ పురీషిణం సాయకేనా హిరణ్యయమ్ |
పురూ సహస్రా ని శిశామి దాశుషే యన్ మా సోమాస ఉక్థినో అమన్దిషుః || 10-048-04
అహమ్ ఇన్ద్రో న పరా జిగ్య ఇద్ ధనం న మృత్యవే ऽవ తస్థే కదా చన |
సోమమ్ ఇన్ మా సున్వన్తో యాచతా వసు న మే పూరవః సఖ్యే రిషాథన || 10-048-05
అహమ్ ఏతాఞ్ ఛాశ్వసతో ద్వా-ద్వేన్ద్రం యే వజ్రం యుధయే ऽకృణ్వత |
ఆహ్వయమానాఅవ హన్మనాహనం దృళ్హా వదన్న్ అనమస్యుర్ నమస్వినః || 10-048-06
అభీదమ్ ఏకమ్ ఏకో అస్మి నిష్షాళ్ అభీ ద్వా కిమ్ ఉ త్రయః కరన్తి |
ఖలే న పర్షాన్ ప్రతి హన్మి భూరి కిమ్ మా నిన్దన్తి శత్రవో ऽనిన్ద్రాః || 10-048-07
అహం గుఙ్గుభ్యో అతిథిగ్వమ్ ఇష్కరమ్ ఇషం న వృత్రతురం విక్షు ధారయమ్ |
యత్ పర్ణయఘ్న ఉత వా కరఞ్జహే ప్రాహమ్ మహే వృత్రహత్యే అశుశ్రవి || 10-048-08
ప్ర మే నమీ సాప్య ఇషే భుజే భూద్ గవామ్ ఏషే సఖ్యా కృణుత ద్వితా |
దిద్యుం యద్ అస్య సమిథేషు మంహయమ్ ఆద్ ఇద్ ఏనం శంస్యమ్ ఉక్థ్యం కరమ్ || 10-048-09
ప్ర నేమస్మిన్ దదృశే సోమో అన్తర్ గోపా నేమమ్ ఆవిర్ అస్థా కృణోతి |
స తిగ్మశృఙ్గం వృషభం యుయుత్సన్ ద్రుహస్ తస్థౌ బహులే బద్ధో అన్తః || 10-048-10
ఆదిత్యానాం వసూనాం రుద్రియాణాం దేవో దేవానాం న మినామి ధామ |
తే మా భద్రాయ శవసే తతక్షుర్ అపరాజితమ్ అస్తృతమ్ అషాళ్హమ్ || 10-048-11
