ఇనో రాజన్న్ అరతిః సమిద్ధో రౌద్రో దక్షాయ సుషుమాఅదర్శి |
చికిద్ వి భాతి భాసా బృహతాసిక్నీమ్ ఏతి రుశతీమ్ అపాజన్ || 10-003-01
కృష్ణాం యద్ ఏనీమ్ అభి వర్పసా భూజ్ జనయన్ యోషామ్ బృహతః పితుర్ జామ్ |
ఊర్ధ్వమ్ భానుం సూర్యస్య స్తభాయన్ దివో వసుభిర్ అరతిర్ వి భాతి || 10-003-02
భద్రో భద్రయా సచమాన ఆగాత్ స్వసారం జారో అభ్య్ ఏతి పశ్చాత్ |
సుప్రకేతైర్ ద్యుభిర్ అగ్నిర్ వితిష్ఠన్ రుశద్భిర్ వర్ణైర్ అభి రామమ్ అస్థాత్ || 10-003-03
అస్య యామాసో బృహతో న వగ్నూన్ ఇన్ధానా అగ్నేః సఖ్యుః శివస్య |
ఈడ్యస్య వృష్ణో బృహతః స్వాసో భామాసో యామన్న్ అక్తవశ్ చికిత్రే || 10-003-04
స్వనా న యస్య భామాసః పవన్తే రోచమానస్య బృహతః సుదివః |
జ్యేష్ఠేభిర్ యస్ తేజిష్ఠైః క్రీళుమద్భిర్ వర్షిష్ఠేభిర్ భానుభిర్ నక్షతి ద్యామ్ || 10-003-05
అస్య శుష్మాసో దదృశానపవేర్ జేహమానస్య స్వనయన్ నియుద్భిః |
ప్రత్నేభిర్ యో రుశద్భిర్ దేవతమో వి రేభద్భిర్ అరతిర్ భాతి విభ్వా || 10-003-06
స ఆ వక్షి మహి న ఆ చ సత్సి దివస్పృథివ్యోర్ అరతిర్ యువత్యోః |
అగ్నిః సుతుకః సుతుకేభిర్ అశ్వై రభస్వద్భీ రభస్వాఏహ గమ్యాః || 10-003-07
