భద్రం నో అపి వాతయ మనః || 10-020-01
అగ్నిమ్ ఈళే భుజాం యవిష్ఠం శాసా మిత్రం దుర్ధరీతుమ్ |
యస్య ధర్మన్ స్వర్ ఏనీః సపర్యన్తి మాతుర్ ఊధః || 10-020-02
యమ్ ఆసా కృపనీళమ్ భాసాకేతుం వర్ధయన్తి |
భ్రాజతే శ్రేణిదన్ || 10-020-03
అర్యో విశాం గాతుర్ ఏతి ప్ర యద్ ఆనడ్ దివో అన్తాన్ |
కవిర్ అభ్రం దీద్యానః || 10-020-04
జుషద్ ధవ్యా మానుషస్యోర్ధ్వస్ తస్థావ్ ఋభ్వా యజ్ఞే |
మిన్వన్ సద్మ పుర ఏతి || 10-020-05
స హి క్షేమో హవిర్ యజ్ఞః శ్రుష్టీద్ అస్య గాతుర్ ఏతి |
అగ్నిం దేవా వాశీమన్తమ్ || 10-020-06
యజ్ఞాసాహం దువ ఇషే ऽగ్నిమ్ పూర్వస్య శేవస్య |
అద్రేః సూనుమ్ ఆయుమ్ ఆహుః || 10-020-07
నరో యే కే చాస్మద్ ఆ విశ్వేత్ తే వామ ఆ స్యుః |
అగ్నిం హవిషా వర్ధన్తః || 10-020-08
కృష్ణః శ్వేతో ऽరుషో యామో అస్య బ్రధ్న ఋజ్ర ఉత శోణో యశస్వాన్ |
హిరణ్యరూపం జనితా జజాన || 10-020-09
ఏవా తే అగ్నే విమదో మనీషామ్ ఊర్జో నపాద్ అమృతేభిః సజోషాః |
గిర ఆ వక్షత్ సుమతీర్ ఇయాన ఇషమ్ ఊర్జం సుక్షితిం విశ్వమ్ ఆభాః || 10-020-10
