విభ్రాడ్ బృహత్ పిబతు సోమ్యమ్ మధ్వ్ ఆయుర్ దధద్ యజ్ఞపతావ్ అవిహ్రుతమ్ |
వాతజూతో యో అభిరక్షతి త్మనా ప్రజాః పుపోష పురుధా వి రాజతి || 10-170-01
విభ్రాడ్ బృహత్ సుభృతం వాజసాతమం ధర్మన్ దివో ధరుణే సత్యమ్ అర్పితమ్ |
అమిత్రహా వృత్రహా దస్యుహన్తమం జ్యోతిర్ జజ్ఞే అసురహా సపత్నహా || 10-170-02
ఇదం శ్రేష్ఠం జ్యోతిషాం జ్యోతిర్ ఉత్తమం విశ్వజిద్ ధనజిద్ ఉచ్యతే బృహత్ |
విశ్వభ్రాడ్ భ్రాజో మహి సూర్యో దృశ ఉరు పప్రథే సహ ఓజో అచ్యుతమ్ || 10-170-03
విభ్రాజఞ్ జ్యోతిషా స్వర్ అగచ్ఛో రోచనం దివః |
యేనేమా విశ్వా భువనాన్య్ ఆభృతా విశ్వకర్మణా విశ్వదేవ్యావతా || 10-170-04
