సమిద్ధశ్ చిత్ సమ్ ఇధ్యసే దేవేభ్యో హవ్యవాహన |
ఆదిత్యై రుద్రైర్ వసుభిర్ న ఆ గహి మృళీకాయ న ఆ గహి || 10-150-01
ఇమం యజ్ఞమ్ ఇదం వచో జుజుషాణ ఉపాగహి |
మర్తాసస్ త్వా సమిధాన హవామహే మృళీకాయ హవామహే || 10-150-02
త్వామ్ ఉ జాతవేదసం విశ్వవారం గృణే ధియా |
అగ్నే దేవాఆ వహ నః ప్రియవ్రతాన్ మృళీకాయ ప్రియవ్రతాన్ || 10-150-03
అగ్నిర్ దేవో దేవానామ్ అభవత్ పురోహితో ऽగ్నిమ్ మనుష్యా ఋషయః సమ్ ఈధిరే |
అగ్నిమ్ మహో ధనసాతావ్ అహం హువే మృళీకం ధనసాతయే || 10-150-04
అగ్నిర్ అత్రిమ్ భరద్వాజం గవిష్ఠిరమ్ ప్రావన్ నః కణ్వం త్రసదస్యుమ్ ఆహవే |
అగ్నిం వసిష్ఠో హవతే పురోహితో మృళీకాయ పురోహితః || 10-150-05
