యస్మిన్ వృక్షే సుపలాశే దేవైః సమ్పిబతే యమః |
అత్రా నో విశ్పతిః పితా పురాణాఅను వేనతి || 10-135-01
పురాణాఅనువేనన్తం చరన్తమ్ పాపయాముయా |
అసూయన్న్ అభ్య్ అచాకశం తస్మా అస్పృహయమ్ పునః || 10-135-02
యం కుమార నవం రథమ్ అచక్రమ్ మనసాకృణోః |
ఏకేషం విశ్వతః ప్రాఞ్చమ్ అపశ్యన్న్ అధి తిష్ఠసి || 10-135-03
యం కుమార ప్రావర్తయో రథం విప్రేభ్యస్ పరి |
తం సామాను ప్రావర్తత సమ్ ఇతో నావ్య్ ఆహితమ్ || 10-135-04
కః కుమారమ్ అజనయద్ రథం కో నిర్ అవర్తయత్ |
కః స్విత్ తద్ అద్య నో బ్రూయాద్ అనుదేయీ యథాభవత్ || 10-135-05
యథాభవద్ అనుదేయీ తతో అగ్రమ్ అజాయత |
పురస్తాద్ బుధ్న ఆతతః పశ్చాన్ నిరయణం కృతమ్ || 10-135-06
ఇదం యమస్య సాదనం దేవమానం యద్ ఉచ్యతే |
ఇయమ్ అస్య ధమ్యతే నాళీర్ అయం గీర్భిః పరిష్కృతః || 10-135-07
