యుజే వామ్ బ్రహ్మ పూర్వ్యం నమోభిర్ వి శ్లోక ఏతు పథ్యేవ సూరేః |
శృణ్వన్తు విశ్వే అమృతస్య పుత్రా ఆ యే ధామాని దివ్యాని తస్థుః || 10-013-01
యమే ఇవ యతమానే యద్ ఐతమ్ ప్ర వామ్ భరన్ మానుషా దేవయన్తః |
ఆ సీదతం స్వమ్ ఉలోకం విదానే స్వాసస్థే భవతమ్ ఇన్దవే నః || 10-013-02
పఞ్చ పదాని రుపో అన్వ్ అరోహం చతుష్పదీమ్ అన్వ్ ఏమి వ్రతేన |
అక్షరేణ ప్రతి మిమ ఏతామ్ ఋతస్య నాభావ్ అధి సమ్ పునామి || 10-013-03
దేవేభ్యః కమ్ అవృణీత మృత్యుమ్ ప్రజాయై కమ్ అమృతం నావృణీత |
బృహస్పతిం యజ్ఞమ్ అకృణ్వత ఋషిమ్ ప్రియాం యమస్ తన్వమ్ ప్రారిరేచీత్ || 10-013-04
సప్త క్షరన్తి శిశవే మరుత్వతే పిత్రే పుత్రాసో అప్య్ అవీవతన్న్ ఋతమ్ |
ఉభే ఇద్ అస్యోభయస్య రాజత ఉభే యతేతే ఉభయస్య పుష్యతః || 10-013-05
