ఊరులేని పొలిమేర
ఊరులేని పొలిమేర పేరు పెంపులేని బ్రతుకు
గారవంబులేని ప్రియము కదియనేటికే ||
ఉండరాని విరహవేదన వుండని సురతసుఖమేల
యెండలేని నాటి నీడ యేమిసేయనే
దండిగలుగు తమకమనెడి దండలేని తాలిమేల
రెండు నొకటిగాని రచన ప్రియములేటికే ||
మెచ్చులేని చోట మంచిమేలు కలిగీనేమి సెలవు
మచ్చికలేని చోట మంచిమాట లేటికే
పెచ్చు పెరగలేని చోట ప్రియముగలిగి యేమి ఫలము
ఇచ్చలేనినాటి సొబగులేమి సేయనే ||
బొంకులేని చెలిమిగాని పొందులేల మనసులోన
శంకలేక కదియలేని చదువులేటికే
కొంకు గొసరులేని మంచికూటమలర నిట్లుగూడి
వేంకటాద్రి విభుడు లేని వేడుకేటికే ||
UrulEni polimEra pEru peMpulEni bratuku
gAravaMbulEni priyamu kadiyanETikE
uMDarAni virahavEdana vuMDani suratasuKamEla
yeMDalEni nATi nIDa yEmisEyanE
daMDigalugu tamakamaneDi daMDalEni tAlimEla
reMDu nokaTigAni racana priyamulETikE
mecculEni cOTa maMcimElu kaligInEmi selavu
maccikalEni cOTa maMcimATa lETikE
peccu peragalEni cOTa priyamugaligi yEmi Palamu
iccalEninATi sobagulEmi sEyanE
boMkulEni celimigAni poMdulEla manasulOna
SaMkalEka kadiyalEni caduvulETikE
koMku gosarulEni maMcikUTamalara niTlugUDi
vEMkaTAdri viBuDu lEni vEDukETikE
బయటి లింకులు మార్చు
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |