ఆమె కన్నులలో ననం తాంబరంపు నీలి నీడలు కలవు

ఆమె కన్నులలో ననం తాంబరంపు

నీలి నీడలు కలవు;

వినిర్మలాంబు

పూర గంభీర శాంత కాసార చిత్ర

హృదయములలోని గాటంపు నిదురచాయ

లందు నెడనెడ గ్రమ్ము;

సంధ్యావసాన

సమయమున నీపపాదప శాఖి కాగ్ర

పత్ర కుటిల మార్గముల లోపల వసించు

ఇరుల గుసగుసల్ వానిలో నిపుడు నపుడు

వినబడుచు నుండు;

మరికొన్ని వేళ లందు

వానకారు మబ్బుల మెయివన్నె వెనుక

దాగు భాష్పమ్ము లామె నేత్రముల లోన

పొంచుచుండును;

ఎదియొ అపూర్వ మధుర

రక్తి స్ఫురియించుగాని అర్థమ్ము కాని

భావగీతమ్ము లవి ...